Հայաստանի Հանրապետութեան Սփիւռքի Նախարար

Velvet Revolution Yerag Diaspora Minister 2018

Հայաստանի Հանրապետութեան Սփիւռքի Նախարար 

Տիար Մխիթար Հայրապետեանին

 

Յարգարժան Պրն. Հայրապետեան,

 

Հայաստնաի ներկայիս ապրած զարգացման եւ բարեփոխումներու այս նոր փուլին, ուր առաւել յուսալից դարձած է հայրենիքի պայծառ եւ լուսաւոր ապագայի կերտումը, յոյժ կարեւոր կը նկատուի երիտասարդութեան գործօն մասնակցութիւնը՝ հայրենիքի առաջընթցին:

 

Այս առումով ԵՌԱԿ-ը իր ողջ անդամութեան անունով սրտանց կը շնորհաւորէ եւ շատ ողջունելի եւ խրախուսիչ կը գտնէ Հայաստանի Հանրապետութեան Սփիւռքի նախարարի պաշտօնին Ձեր նման երիտասարդ տարրի նշանակումը:

 

Այսօր տարբեր հարթակներէ յաճախ լսելի կը դառնայ այն ճշմարիտ միտքը, որ համազգային խնդիրներու լուծման, պետականութեան ամրապնդման եւ ազգի ու հայրենիքի հզօրացման գործին մէջ շատ կարեւոր է սփիւռքահայութեան ներուժի օգտագործումը, այս առումով մենք մեր բացարձակ զօրակցութիւնը եւ համագործակցութեան պատրաստակամութիւնը կը յայտնենք Ձեր գլխաւորած նխարարութեան կողմէ հայրենիք-Սփիւռք միացեալ ջանքերով մշակուելիք ռազմավարութեան:

 

Համոզուած ըլլալով, որ դուք Ձեր եռանդով եւ թարմ ներուժով պիտի արդարացնէք սփիւռքի եւ համայն հայութեան ակնկալիքները, Ձեզ կը մաղթենք յաջող եւ նոր ձեռքբերումներով լեցուն պետական գործունէութիւն:

 

Ժողովուրդէն, Ժողովուրդով, Ժողովուրդին համար: 

 

ԵՌԱԿ
Գործադիր Վարչութիւն

 


Leave a Reply




Join Now