Փոփոխութիւններու Վճռականութիւնը Թափանցեց Նաեւ Սփիւռքի Երիտասարդներուն

Armenia MyStep Movement

Երեւան, 07 Մայիս, 2018

Փոփոխութիւններու Վճռականութիւնը Թափանցեց Նաեւ Սփիւռքի Երիտասարդներուն

 

Անցած երկու շաբաթներու ընթացքին, հայրենիքի մէջ ձեւաւորուեցաւ եւ մեծ թափ ստացաւ համաժողովրդական զարթօնքի եւ ընդվզումի #իմՔայլը շարժումը, որ յաղթահարելով բազմաբնոյթ խոչընդոտներ, յաջողեցաւ աննախադէպ հասարակական ձեռքբերումներ ունենալ, Հայաստանի իշխող ոչ-ժողովրդական կարավառման համակարգը բերելով բարեկարգումի եւ իսկական ժողովրդավարութեան պատասխանատւութեան շեմին:

 

 

#ԻմՔայլը շարժումը յիմնաւորեց եւ առաջնորդեց Հայաստանի Հանրապետութեան երիտասարդ զանգուածը, յանձինս ԱԺ-ի պատգամաւոր Նիկոլ Փաշինյանին համարձակ եւ հաւասարակշրուած ղեկաւարութեանբ:

Քաղացիական անհնազանդութիւններու իրաւացի եւ քաղաքակիրթ պահուածքով, հայրենիքի մեջ սկիզբ դրաւ մեր ժամանակակից վերածնունդին, ազգային համերաշխութեան եւ հանդուրժողականութեան նոր գործընդացով մը, միեւնոյն ժամանակ ապահովելով օրինականութիւնն ու հասարակական իրաւունքը:

 

ԵՌԱԿ-ը, Ռամկավար երիտասարդներու, հայրենիքի, Լիբանանի, Երուսաղեմի, Սուրիոյ, Յորդանանի, Յունաստանի, Կիպրոսի, Ֆրանսայի, Եգիպտոսի, Գանատայի, եւ ԱՄՆ-ի կառոյցը, կողմնակից է եւ կ’աջակցի հայրենի երիտասարդութեան իրաւունքներու վերագնհատման ձգտումին եւ պատրաստ է օժանդակելու իր բարոյական եւ կառուցուածքային դրուածքով, աւելի նպատակասլաց եւ կառուցողական երիտասարդական դեր մը ներդնելու, թափանցիկութեան մշակոյթ մը ստեղծելու, որ անկասկած, վատահելիութիւն, լաւատեսութիւն եւ իրապաշտ հնարաւորութիւններ կրնայ ստեղծել հայ ժողովուրդին երիտասարդ տարրին հեռանկարներու առումով:

 

Պետք է հաստատել թէ, համաժողովրդային այս վերելքի ընթացքին, հակառակ Հայաստանի երիտասարդութեան ունեցած համատեղ եւ զանգուածային ներգրաւուածութեանը, սփիւռքի երիտասարդ ներուժը, սկզբնական շրջանին յայտնուեցաւ անակնկալ երկընտրանքի եւ անորուշութեան դեմ հանդիման, բնականաբար, սփիւռքի աւանդական կառոյցներու պահպանողական եւ անհաղորդ քաղաքական վարուելակարգին պատճարներով: Այս մտահոգութիւնը, կ’ուզենք ընդգծել, թէ լուռջ մարտահրաւէր է «Սփիւռք»ը ներգրաւելու ոչ միյայն «Պահանջատիրութեան եւ Արցախի հիմնախնիդիրներուն», այլ նաեւ հայրենատիրութեան նախադրեալով, մասնակից դարձնելու Հայաստանի քաղաքացիական պատասխանատուութեան:

Առ այդ, հայրենի պետականութիւնը նոյնքան պարտաւորուած եւ շահախնդիր պարտի ըլլալ:

 

ԵՌԱԿ-ը լաւատեսութեամբ կը հաւատայ այս բոլոր բարդութիւններու հաջորդական  հաղթահարումներուն, եւ կոչ կ’ընէ Հայաստանի վաղուան ղեկավարութեան, բոխադարձ նկատառումներով ստեղծելու նորարար, նպատակասլաց, գործնական եւ ճկուն հիմքերով հարթակներ, Սփիւռք – Հայրենիք համագործակցութիւնը ընդլայնելու, ի մասնաւորի երիտասարդական ներուժով եւ մտածելակերպով:

 

Յետայսու, միասնական եւ զուգահեռ նպատակ հետապնդելը կը մնայ մեր Հայրենիք-Սփիւռք միաւորման միակ երաշխիքը, ամենայն անհրաժեշտութեամբ ի մի բերելու մեր ազատ մտքի եւ գործի ներոյժը, ստեղծուած նորօրեայ վեռելքի նախընթացը վերածելով համահայկական նոր տեսլականի վերածնունդին: 

 

ԵՌԱԿ

Գործադիր Վարչութիւն

 

 

Նկարներու յեղինակային իրաւունքը կը պատկանի EVN Report-ին

Ապրիլ-Մայիս 2018

 


Leave a Reply




Join Now