ՌԱԿ-ի Պատուիրակութիւնը Արցախի Մէջ մասնակցեցաւ «Նոր Արցախ» դաշինքի ընտրական հաւաքներուն

ԵՌԱԿ Արցախ

Ռամկավար Մամուլ

16 – 03 – 2020

Ստեփանակերտ

Անսալով Ռամկավար Ազատական Կուսակցութեան (ՌԱԿ) Կեդրոնական վարչութեան վերջին նիստի որոշումին, Ուրբաթ՝ 13 Մարտին, ՌԱԿ պատուիրակութիւն մը եռօրեայ այցով ժամանեց Արցախի Հանրապետութեան մայրաքաղաք՝ Ստեփանակերտ:

 

ԵՌԱԿ Արցախի մէջ

 

Պատուիրակութիւնը կը գլխաւորէր ՌԱԿ Կեդրոնական վարչութեան անդամ Ընկ. Ալեքսան Գարատանայեան, պատուիրակութեան կ’անդամակցէր ԵՌԱԿ-ի ատենապետ ընկ. Սեդրակ Պալեան եւ ՌԱԿ-ի անդամներ:

Նշենք, որ պատուիրակութեան գլխաւոր նպատակն էր մօտէն հետեւիլ Արցախի նախագահական եւ խորհրդարանական ընտրութիւններուն, որոնք պիտի կայացուին յառաջիկայ 31 Մարտին:

 

ԵՌԱԿ Արցախի մէջ

 

Պատուիրակութեան անդամները, գլխաւորութեամբ ընկ. Ալեքսան Գարատանայեանի, Արցախ հասնելուն պէս ուղեւորուեցան Ստեփանակերտի մուտքին գտնուող «Պապիկ -տատիկ»ի արձանին մօտ, ուրկէ պիտի մեկնարկէր ինքնաշարժներու երթ դէպի Շուշի:

 

ԵՌԱԿ Արցախի մէջ

Ուղեկցութեամբ նախագահական թեկնածու պրն. Մասիս Մայիլեանի եւ «Նոր Արցախ» դաշինքի անդամներուն, ինչպէս նաեւ ՌԱԿ Արցախի ներկայացուցիչ ընկ. Բարդուղ Գալստեանի, մեկներկեց շարասիւնի երթը դէպի հերոսական Շուշի, ուր տեղի ունեցաւ ընտրական յատուկ հաւաք:

 

ԵՌԱԿ Արցախի մէջ

 

ԵՌԱԿ Արցախի մէջ

 

Միջոցառման ընթացքին խօսք առաւ «Նոր Արցախ» դաշինքի նախագահական թեկնածու, Արցախի Հանրապետութեան Արտաքին գործոց նախարար Տիար Մասիս Մայիլեան: Ան իր խօսքին մէջ հակիրճ կերպով ներկայացուց այսօր Արցախի դիմագարաւած ընդհանուր հիմնահարցերը, նշելով, որ իր նախագահ ընտրուելու պարագային պիտի փորձէ կարեւոր ճիգեր ի գործ դնել, լուծելու համար Արցախի եւ Արցախի հերոսական բնակչութեան առջեւ ցցուած բոլոր հիմնախնդիրները, որոնց համար կազմած են արդէն նախընտրական իրատեսական ծրագիրներ:

 

ԵՌԱԿ Արցախի մէջ 7

 

Միջոցառման հարց ու պատասխանի բաժնին մէջ հարցումով հանդէս եկաւ նաեւ ընկ. Սեդրակ Պալեան:

 


Leave a Reply




Join Now