ՌԱԿ Կեդրոնական Վարչութեան Պատուոյ Անդամ Ընկ. Յակոբ Նազարեանի Այցը Արցախ

RAG ADLP Hagop Nazarian Artsakh

Արցախի Ռամկավար Ազատական Կուսակցութեան հրաւէրով, Արցախ այցելած էր ՌԱԿ Կեդրոնական Վարչութեան պատուոյ անդամ՝ մեծարգոյ Ընկեր Յակոբ Նազարեանը:

 

Այցելութեան առաջին օրը, յարգարժան ընկերը, շինարարական փոքրիկ դասախօսութիւն կարդաց Շուշիի Արհեստագիտական համալսարանի շինարարական բաժնի խումբ մը ուսանողներուն, պատասխանեց անոնց հարցերուն: Ուսանողներու խանդավառութեան ի տես, Ընկ. Նազարեանը խոստացաւ յաճախակի դարցնել նման արդիւնաւէտ հանդիպումները:

 

Յակոբ Նազարեան Արցախ

 

Յաջորդ օրը ընկ. Յակոբ Նազարեանը Արցախի ՌԱԿ գրասենեակէն ներս հանդիում ունեցաւ խումբ մը կուսակցական երիտասարդներու հետ: Հանդիպման ընթացքին քննարկուեցան՝ Արցախի ճանաչման ու զարգացման վերաբերող, ինչպէս նաեւ շարք մը այլ ծրագիրներ, միտուած՝ կուսակցութեան շարքերը երիտասարդներով համալրելու եւ Արցախի ու սփիւռքի երիտասարդութեան կապը ամրապնդելուն:

 

Ընկ. Յակոբ Նազարեան շնորհակալութիւն յայտնեց Արցախի Ռամկավար Ազատական Կուսակցութեան ատենապետ Ընկ. Բարդուղ Գալստեանին, ջերմ հիւրընկալութեան համար եւ յաջողութիւն մաղթեց, խոստանալով իր աջակցութիւնը բերել յատկապէս Արցախի երիտասարդութեան զարգացման եւ հնարաւորութիւններու ստեղծամ գործին:

 

Յակոբ Նազարեան Արցախ

 

 

 

 


Leave a Reply




Join Now