Միրաքի այցելութիւնը Բիւրականի աստղադիտարան – Ամբերդ

Featured-Image-Mirak-Byurakan-Observatory (1)

Կիրակի 14 Մայիս 2017-ին Միրաք պատանեկան ուսանողական շարժման կիրակնօրեան յագեցած էր ճոխ յայտագրով եւ Հայաստանի տեսարժան վայրեր այցելութեամբ, ուր Միրաքականները անցուցին  յիշատակելի պահեր։ 
 
Միրաքի անդամներու ուղեւորութեան առաջին հանգրուանը եղաւ Բիւրական գիւղ, ուր դալարագեղ դաշտին մէջ նախաճաշելէ եւ հանգստանալէ ետք, խումբը իր ճամբան շարունկաեց դէպի  Վիքթոր Համբարձումեանի անուան Բիւրականի աստղադիտարան՝ հնագոյն գիտութեան եւ մասնաւորապէս աստղագիտութեան օրրան եղող Հայաստանի արդիկան կառոյցը:
 
Mirak-Byurakan-Observatory (2)
 
Միրաքականները մեծ հետաքրքութաեամբ ծանօթացան աստղագիտութեան ոլորտի համաշխարհային ժառանգութեան մէջ Հայաստանի ունեցած  մեծ ներդրումին, Վիքթոր Համբարձումեանի վաստակին եւ անոր նորարարութիւններուն, ինչպէս նաեւ 1946-ին անոր հիմնադրած Բիւրականի աստղադիտարանին, որ նախկին Խորհրդային Միութեան, արեւելեան Եւրոպայի եւ Միջին Արեւելքի կարեւորագոյն աստղադիտարաններէն մէկը կը հանդիսանայ: Անոնք ծանօթացան Աստղադիտարանի ամբողջ համալիրին, վայելեցին գեղեցիկ բնութիւնն ու բացայայտեցին Աստղադիտարանի գաղտնիքները, տեսան Վիքթոր համբարձումեանի բնակարնաը, անոր կենաքի պատմութիւնը բացայայտող իրերն ու նկարները:
 
Mirak-Byurakan-Observatory (3)
 
Այնուհետեւ, շարունակելով Հայաստանի տեսարժան վայրեր այցելութիւնը, Միրաքականները ուղեւորուեցան դէպի պատմական Ամբերդ, ուր առիթը ունեցան շրջելու, եւ ծանօթանալու հնագոյն հայկական բնակավայրի գաղտնիքներուն:
Ամբերդի շրջակայ տարածքին, ծնողաց յանձնախումբը սիրալիր կերպով անցաւ ճաշի պատրաստութեան, մինչ «Միրաք»ականները մասնակցեցան երիտասարդական խումբի կողմէ պատրաստուած հետաքրքիր խմբային խաղերուն:
 
Mirak-Byurakan-Observatory (4)
 
Պտոյտի վերջին հանգրուանը եղաւ տառերու պուրակը, ուր որպէս օրուայ գեղեցիկ յուշ  Միրաքականները լուսանկարուեցան իրենց անուան սկզբնատառին մօտ եւ խմբային նկար մը առին Միրաք անուան սկզբնատառ Մ տառի առջեւ, որմէ ետք, բարձր տրամադրութեամբ եւ ապահով կերպով՝ խումբը վերադարձաւ Երեւան:
 
Mirak-Byurakan-Observatory (5) Mirak-Byurakan-Observatory (6)
 
 
 

Leave a Reply




Join Now