«Մենք ձեր մէջ կը տեսնենք մեր ապագան». Ընկ. Սերխիօ Նահապետեանը՝ «Միրաք»ին

Sergio Nahabedian Mirak 2017

«Միրաք»ականներու երկար սպասած հանդիպումը՝ «Միրաք»ի հիմնադիր, ՌԱԿ Կեդրոնական Վարչութեան Ատենապետ Ընկ. Սերխիօ Նահապետեանի հետ իրականացաւ

 

Fetaured-Image-Serjio-Nahabedian-Mirak-2017

 

«Միրաք» պատանեկան-ուսանողական շարժման 28 Մայիսի կիրկնօրեայ հաւաքին շատ իւրայատուկ եւ տօնական մթնոլորտ կը տիրէր, որ պայմանաւորուած էր տարբեր երկիրներէ ի մի հաւաքուած շատ յարգելի եւ սիրելի հարազատ հիւրերու ներկայութեամբ: «Միրաք»ի անդամները շատ բան լսած էին արդէն Արժանթինէն ժամանած ՌԱԿ Կեդրոնական Վարչութեան Ատենապետ, «Սարդարապատ» շաբաթաթերթի տնօրէն, Ընկ. Սերխիօ Նահապետեանի մասին եւ անհամբեր կը սպասէին տեսակցութեան առիթին: Անոնց ուրախութիւնը կրկնապատկուեցաւ, երբ Ընկ.

 

Sergio-Nahabedian-Mirak-2017 (1)

 

Նահապետեանի կողքին, առիթ հանդիսացաւ ծանօթանալու նաեւ ՌԱԿ Կեդրոնական Վարչութեան նախկին Ատենապետ, ազգային գործիչ Ընկ. Մայք Խարապեանին, Աւստրալիոյ եւ Նոր Զելանտայի ՌԱԿ Շրջանային Վարչութեան ատենապետ՝ ընկ. Հայկ Լէփէճեանին, Պէյրութէն ՌԱԿ 27-րդ պատգամաւորական ժողովի պատգամաւոր ընկ. Վաչէ Յակոբեանին, արդէն հայրենադարձ ՌԱԿ գործիչ ընկ.Աւետիս Տալտալեանին: 

 

Sergio-Nahabedian-Mirak-2017 (3)

 

ՌԱԿ ղեկավար ընկերներու շարքին էր նաեւ «Միրաք»ականներուն արդէն մօտէն ծանօթ՝ ՌԱԿ Կեդրոնական Վարչութեան փոխատենապետ ընկ. Լեւոն Պըլըխեանը:

Միջոցառումը սկիզբ առաւ «Միրաք»ի աւագ անդամներու հիւրերուն ուղղուած ողջոյնի խօսքով, որմէ ետք մեծ պաստառի վրայ ներկայացուեցաւ տասնամսեան բոլորած Միրաքի գործունէութիւնը՝ ցուցադրուած նկարներու ընդմէջէն, որոնց մասին ՌԱԿ Կեդրոնական վարչութեան անդամ, «Միրաք»ի պատասխանատու Ընկ. Ալեքսան Գարատանայեանը բացատրութիւններ տուաւ հիւրերուն:


Leave a Reply




Join Now