Հրաժեշտ Ընկ. Սերխիօ Նահապետեանին

mirak yerag adlp ramgavar

29 Սեպտեմբեր, 2017-ին տեղի ունեցաւ Միրաք ուսանողական Յանձնախումբի կողմէ կազմակերպուած հրաժեշտի երեկոն՝ ՌԱԿ Կեդրոնական Վարչութեան Ատենապետ Ընկ. Սերխիօ Նահապետեանին:

 

 

Հանդիպումը նաեւ առիթ էր՝ համալսարանականներու ապագայ ծրագիրներու մասին ծանօթացնելու եւ աշխատանքային ոլորտը սահմանելու:

 

Հանդիպման բացի Ընկ. Սերխիօ Նահապետեանէն ներկայ էին նաեւ Յորդանանէն ՌԱԿ Կեդրոնական վարչութեան անդամ Ընկ. Անդրանիկ Լէփէճեանը եւ ՌԱԿ Կեդրոնական Վարչութեան անդամ եւ Միրաք Շարժումի պատասխանատու Ընկ. Ալեքսան Գարատանայեանը:

 

Ներկայացնելով նորաստեղծ Ուսանողական Յանձնախումբի ստեղծման նպատակը՝ յանձնախումբի ներկայացուցիչ Ընկհ. Գոհար Խաչատուրեանը նշեց, որ Համալսարանական Յանձնախումբի առաքելութիւնը երիտասարդներու իրազեկուածութեան բարձրացումն է՝ տարբեր գիտական խաղ-մրցոյթներու, բանավէճերու, դասընթացներու, սեմինարներու կազմակերպման միջոցաւ:

 

Ընկհ. Գոհարը նաեւ շնորհակալական խօսք ուղղեց հիւրերուն, իրենց քաջալերական մօտեցումին եւ յանձնախումբի ծրագիրներու իրականացման մէջ իրենց խոստացած աջակցութեան համար, ապա ան յատուկ շնորհակալական խօսք ուղղելով յանձնախումբի ստեղծման նախաձեռնող Ընկ. Ալեքսան Գարատանայեանին, ըսաւ’

 

“Ընկ. Ալեքսան Գարատանյեանը Միրաք պատանեկան-ուսանողական շարժման շարժիչն է, գործունէութեան մոթիվացիան, շարժման ողնաշարը: Շատ ուրախ եմ Ընկ. Ալեքսանին հետ աշխատելու եւ իր հարուստ փորձառութենէն օգտուելու ընծայուած առիթին համար:”

 

Խօսքով հանդէս եկաւ նաեւ Ընկ. Անդրանիկ Լէփէճեանը, ան ողջունեց այս նախաձեռնութիւնը եւ յաջողութիւն մաղթեց ուսանողներուն, իրենց ծաւալելիք գործունէութեան մէջ:

Հանդիպումը նաեւ առիթ էր Միրաքականներու Ընկ. Սերխիօ Նահապետեանի հետ մտերմիկ զրոյց ծաւալելու եւ իրենց յուզող հարցերու եւ ունեցած նախասիրութիւններու մասին կիսելու:

 


Leave a Reply




Join Now