«Միրաք»ի հանդիպումը ընկ. Փանոսեանի հետ

yerag-hagop-panossian (2)

Կիրակի 21 մայիս 2017-ին կայացաւ «Միրաք»ի հերթական կիրակնօրեայ հաւաքը, որուն հիւրաբար ներկայ գտնուեցաւ Երուսաղէմէն Ընկ. Յակոբ Փանոսեանը:

 

Միրաքի հանդիպումը ընկ Փանոսեանի

 

«Միրաք»ի պատանի-ուսանողները հիւրին հետ կիսուեցան իրենց ապագայ ծրագիրներու, մասնագիտական հակումներու եւ տարբեր նիւթերու շուրջ: Ընկ. Յակոբ Փանոսեան «Միրաք»ի անդամներուն ներկայացուց Երուսաղէմի հայ համայնքի, անոր հարցերու եւ հայութեան ի նպասատ տարած աշխատանքներու մասին: Ան առանձնապէս նշեց ՀԵՄ-ի երիտասարդական ակումբի տարած գործունէութիւնը եւ առաջերկեց անպայման կապ ստեղծել եւ յետագային համատեղ ծրագիրներ իրականացնել, փոխադարձ այցելութիւններ կատարել Երուսաղէմ-Հայաստան:

 

Միրաքի հանդիպումը ընկ Փանոսեանի

 

«Միրաք»ի պատանիները մեծ հետաքրքրութեամբ լսեցին ընկ. Փանոսեանին եւ հարցեր ուղղեցին անոր, որոնք արժանացան համապարփակ լուսաբանման: Ընկ. Փանոսեան յորդորեց «Միրաք»ականներուն մնալ Թէքէեանի շուքին տակ, ուռճանալ եւ ապագային համալրեն ՌԱԿ-ի շարքերը: Խանդավառուելով պատանի-ուսանողներու խումբի գործունէութենէն, ընկ. Փանոսեան նիւթական նուիրատուութիւն մը կատարեց եւ պատրաստակամութիւնը յայտնեցին իրենց գաղութէն ներս հիւրընկալելու «Միրաք»ը: Հաւաքին ներկայ գտնուող «Միրաք»ի պատասխանատու ընկ. Ալեքսան Գարատանայեան եւ փոխատենապետ ընկ. Լեւոն Պըլըխեան շնորհակալութիւն յայտնեցին հիւրրին, իր ոգեւորիչ այցելութեան համար:

 

Միրաքի հանդիպումը ընկ Փանոսեանի

 

Զրոյցի աւարտէն ետք, «Միրաք»ի անդամները մեծ պաստառի վրայ դիտեցին անցեալ Կիրակի օրուան Բիւրական-Ամբերդ կատարած պտոյտի նկարները, քննարկեցին յաջող եւ ձախող կողմերը, ուր մեծամասնութեան կարծիքով ձախող կողմերը շատ քիչ եւ աննկատ համարուեցան: Խումբի կողմէ ընտրուեցաւ նաեւ պտոյտի լաւագոյն նկարը, որ պիտի մեծցուի եւ զետեղուի «Միրաք»ի պատին:


Leave a Reply




Join Now