Անվերապահ աջակցութիւն մեր վարչապետ Նիկոլ Փաշինեանին

AVSKH-1

 

Ակնյայտ է, որ վերջերս ԱԱԾ տնօրէնի եւ ՅՔԾ պետի հեռախօսազրոյցի գաղտնալսման եւ հրապրակման լուրէն ետք, ըլլայ Հայաստանի, թէ սփիւռքի մէջ, ջուրի երես ելաւ տարբեր՝  հանրային ծառայութեան, ԶԼՄ-ներու, սփիւռքեան կազմակերպութիւններու մէջ գործող հասարակական գործիչներու իսկական ինքնութիւնը: Ոմանք իրենց անկեղծ կարծիքը կ’արտայայտեն, իսկ ուրիշներ ալ պատեհապաշտ մօտեցում կը ցուցաբերեն հարցերուն:

 

Այնուամենայնիւ, իրականութիւնը կը մնայ այն, որ Հայաստանի ժողովուրդը կը շարունակէ մնալ կանգուն, հաստատակամ եւ քաջալերող՝ վարչապետ Փաշինեանի կառավարման ուժին եւ կարողութեան, մինչ ընդդիմութիւնն ու անոնց օժանդակող լրատուամիջոցները, ըլլայ Հայաստանի, թէ սփիւռքի մէջ,  իրենք իրենց ապուշի տեղ դրած, կ’ընդգծեն միայն «բացասական»ը եւ անոր շինծու հետեւանքները:

 

ԵՌԱԿ-ը կը հաւատայ գործող իշխանութեան ճշմարտացիութեան եւ վստահելիութեան:

ՌԱԿ-ի երիտասարդութիւնը լիարժէք վստահութիւն կը դրսեւորէ նոր կառավարութեան դաւանած իսկական արժէքներուն, անոր ժամանակակից կառավարման ձեւին, որ խթան պիտի հանդիսանայ Հայաստանի յառաջընթացին:

 

Ինչքան ալ բացասական տրամադրութիւններ եւ մօտեցումներ փորձեն տարածել, բնականաբար, չեն կրնար զայրոյթ առաջացնել բանականութեամբ եւ բարձր գիտակցութեամբ օժտուած հայ ժողովուրդին մօտ:

 

Այս ապատեղեկատուութիւն շահարկելու երեւոյթը, ակնյայտօրէն,  փորձ է խախտելու հայ ժողովուրդին վստահութիւնն ու հաւատը նոր ղեկավարութեան հանդէպ, եւ շեղելու հասարակական կարծիքը՝ անցեալի համակարգէն եւ ծրագիրներէն, որ փորձուած են եւ՝ ձախողած:

 

Իհարկէ, այս բոլորէն մեծագոյն օգուտուողները ընդդիմադիր խմբակցութիւններնն ու ընդդիմութեան աջակցող լրատուամիջոցներն են:

 

Գետնի վրայ սակայն, իսկական  սպառնալիք եւ անհանգստութեան անմիջական պատճառ չկայ: Հայաստանը կը շարունակէ մնալ ուժեղ եւ միասնական ազգ, որ անցումային շրջանէ կ’անցնի՝ ուղղուելով դէպի լաւ ապագայ:

 

ԵՌԱԿ-ը իր աջակցութիւնը կը  ցուցաբերէ վարչապետ Փաշինեանին, անոր ղեկավարման ձեւին, կը գնահատէ անոր ելոյթներու բովանդակութիւնը, համարձակութիւնը եւ թափանցիկութիւնը, որով ան ամօթանք կու տայ անցեալի hիասթափեցնող գործելաոճին:

 

ԵՌԱԿ-ը կը  խրախուսէ հայ երիտասարդներուն` վստահութեամբ ներշնչուելու ներկայ ղեկավարութեան հանդէպ:

 

Ամենաերեւելի «անկախ» եւ յանձնարարուած աշխատանք կատարող մեկնաբանները սոսկ բամբերներն են այն մարդոց, որոնք վերջին 20 տարիներու ընթացքին  Հայաստանը կործանման եզրին հասցուցին:

 

Եկէք մերժենք անոնց, դարձնենք էջը եւ առաջ շարժինք, որպէս յոյսով լեցուն, նորարար, մէկ ու միասնական ազգ, լիակատար աջակցութիւն ցուցաբերելով մեր վարչապետ Նիկոլ Փաշինեանին:

 

ԵՌԱԿ
Գործադիր Վարչութիւն

 


Leave a Reply




Join Now